Olissey Travel – yerli turgidləri və turizmlə bağlı kiçik biznesləri birləşdirərək turizmdə yenilik, yeni baxış və yeni turizm məhsullarının inkişafı üçün fəaliyyət göstərən platformadır. Platforma həmçinin ölkəyə gələn turistlər üçün paytaxt Bakı və regionlarda müxtəlif turlar təklif etməklə yanaşı, Gürcüstan və Türkiyə istiqamətində də xidmətlər təklif edir.
“Hər bir ideyanın ardınca bu ideyanı mövcud iqtisadiyyata buraxmaq və idarə etmək kimi vacib amillər dayanır. Bu baxımdan “Youth Inc.” startap üçün ilkin vacib amilləri təmin edərək startap cəmiyyətinə girişi təmin edən hub-dır. Layihənin işlənilməsi, inkişafı və mümkünlüyü haqqında bilgilərin, təcrübənin qazanılmasında “Youth Inc.” –in rolu danılmazdır.
